Тарихи шешімді зор ықыласыммен қабылдадым

ҚР Тұңғыш Президенті – Елбасы Нұрсұлтан Әбішұлы Назарбаевқа ел-жұртының құрметі мен ыстық ықыласы қашанда ерекше. Елбасымыздың Ұлт көшбасшысы ретінде мемлекетіміздің өркендеу жолында атқарған қызметі, ерен еңбегі көпке мәлім. Нұрсұлтан Назарбаев Қазақстан халқы алдында да, төрткүл дүние қауымдастығы алдында да беделі зор тұлға ретінде танымал.
Бүгінде әлемге әйгілі бас қаламыз Астанаға Нұр-Сұлтан атауын беру туралы шешімді қоғамның белсенді мүшесі ретінде толық қолдаймын. Әлемдік тарихқа көз жүгіртсек, елордаға Тұңғыш Президент есімін берген мемлекеттер жоқ емес. Осы орайда сарабдал саясатымен ел басқарған, Ұлы Дала төсінде жаңа астанамыздың бой көтеруі жолында аянбай еңбек еткен көшбасшымыздың есімімен елордамызды атау дұрыс шешім дер едім.

Гүлжан Бекбосынова, Ы.Алтынсарин атындағы дарынды балаларға арналған

мектеп-интернат директорының оқу-тәрбие ісі жөніндегі орынбасары.