AIMAQTA QANDAI HABAR BAR?
Oblysta. Jalpyoblystyq dıktanttyń qorytyndysy shyqty. Oqýshylar, stýdentter, memlekettik qyzmetkerler – barlyǵy 15 myńnan astam adam qatysqan bolatyn. Onyń 6496-sy "jaqsy" degen baǵaǵa ıe bolǵan. Al dıktantty úzdik jazǵandar sany – 3612 adam. 31% "qanaǵattanarlyq" degen baǵa alǵan.
Qorjynda – qola júlde
Qostanaı. Atyraýda dzúdodan ótken Qazaqstan chempıonatynda qostanaılyqtar oljaly oraldy. Jarysqa 17 komanda, 465 kúresshi qatysty. Oblys atynan 12 adam qatysty. Áýleli shymkettik komandany, odan keıin qaraǵandylyqtardy tize búktirdi. Biraq qyzylordalyq dzúdoshylarǵa ese jiberdi. Qola úshin tartysta Bastys Qazaqstan sportshylarynan basym tústi.
Lısakov. Oblystyq máslıhat depýtattary Lısakov qalasyna baryp, mańyzdy memorandýmǵa qol qoıdy. Ózara kelisim-shart boınysha, lısakovtyq bes talapker A.Baıtursynov atyndaǵy QMÝ-da tegin bilim alatyn boldy. Túlekter jataqhanada da tegin turatyn bolady. Oblystyq ákimdik olardyń praktıkadan ótip, jumysqa turyp, baspanamen qamtylýyn da qadaǵalaýǵa alatyn bolady.
Rýdnyı. Aýrýhanada jarty jyl jatqan 85 jastaǵy keıýanany eshqandaı týysqany alyp ketpeı jatyr. Valentın atty qarıa ótken jyly qazan aıynda travmatologıalyq bólimge túsken. İzdep keler adamdardyń bolmaýyna baılanysty, ol qarttar úıine jiberiledi. Biraq onyń qujattary men zeınetaqylyq kartasy týysqandarynyń qolynda kórinedi.
Uzynkól. Naýryz meıramy qarsańynda polıseıler kóp balaly otbasylarǵa arnap et asyp, baýyrsaq pisirdi. Mundaı qaıyrymǵa turmystyq jaǵdaıy tómen Lebedevter januıasy ıe boldy. Polıseılerdiń aıtýynsha, az qamtylǵan otbasylarǵa merekelik tosynsyı jasaý jyl saıynǵy dástúrge aınalǵan. Qaıyrymdylyq sharasyna barlyq turǵyn kýá bolyp, qazaqtyń ulttyq sportynan synǵa tústi.
Jankeldın. Astanalyq eki azamat Jangeldın aýdanyna balyq aýlaýǵa kelgen. Olar taqymdaryndaǵy Toyota Land Cruiser100 markaly kólikterin muzdyń ústine shyǵarypty. Muz temir tulpardyń salmaǵyn kótere almaı, opyrylyp ketken. Qymbat kólik áp-sátte sý astyna súńgipti. Olarǵa jergilikti polıseı kezdesip, aýyl adamdarynyń kómegimen kólik tysqa shyǵarylǵan. Astanalyqtar Torǵaıǵa Jıppen kelip, úılerine jaıaý ketti.
Kóligi ólimine sebepshi
Altynsarın. Oqıǵa «Qostanaı-Sarykól» tasjolynda bolǵan. 32 jastaǵy Altynsarın aýdanynyń turǵyny «VAZ-2111» avtokóligimen Obaǵan aýylyna shyqqan. Kóligi tas jol ústinde órtenip ketken. Aldyn ala boljam boıynsha, kisi ólimi kómirqyshqyl gazynyń áserinen bolǵan. Qazirgi ýaqytta órt-tehnıkalyq saraptamasy taǵaıyndaldy. Zertteý jumystary júrgizilýde.
