Назарда – қауіпсіздік

Рудныйдың өнеркәсіптік аумағында тағы бір «Жаяу жүргінші торы» орнатылды. Еске сала кетсек, дәл осындай ақпараттық-ескертпе құралы осыдан екі апта бұрын Ленин көшесінде де іске қосылған болатын. Жобаны ERG мен Қостанай облысы әкімдігі арасындағы меморандумға сәйкес жергілікті әкімдік пен «ССКӨБ» АҚ жүзеге асырды. Басты мақсат – жаяу жүргіншілердің қауіпсіздігін арттыру.

– Қала мен өндірісті жалғайтын күре жолда күні-түні көліктер тынбайды. Бейнебақылау жүйесі болмағандықтан жылдамдыққа қарамай жүйткитіндер аз емес. Жаяу жүргінші жолағының маңына осындай құрылғыны орнатқаны өте дұрыс болды. Біз енді еш алаңдамай жолды кесіп өте аладыз, – дейді Жөндеу-механикалық зауытының жұмыскері Саян Капизов.

 

Қанатқақты құрылғы әзірге сынамадан өтуде. Егер белгілі уақыт аралығында өз тиімділігін көрсетсе, жаңалықтың авторлары «ANGEL ZEBRA» ЖШС қызметкерлері Данияр Ахаев пен Әлихан Рахымбеков «торды» еліміздің басқа да жолдарына орнатуды ұсынатын болады.

 

Қуаныш ЕСҚАБЫЛ