Қар құрсауынан құтқарылды

Облыстық ТЖД баспасөз қызметінің хабарлауынша, 26 қарашада Арқалықтан 80 шақырым жерде құтқару операциясы жүзеге асқан. Жергілікті маңыздағы "Жалғызтал-Терісаққан" тас жолында Солтүстік аймақтық аэромобильдік құтқару тобы қар құрсауында қалған бір жеңіл және екі жүк көлігін құтқарды. Қиын жағдайда қалған адамдар саны – алтау. Олардың жағдайы қалыпты, медициналық көмекке мұқтаж емес.