Театр ұжымымен сұхбат

Аймақтық коммуникация қызметінің ақпарат алаңында брифинг өтті. БАҚ өкілдерімен кездесуге «Ілияс Омаров атындағы Қостанай облыстық қазақ драма театры» КМҚК директоры Сабыралы Кемельбаев, директордың орынбасары Нұрлыбек  Кенжахметов және театр әртістері Айбол-Әсел  Шәкіржановтардың қатысуымен өтті. Басқосуда театрлардың өзекті мәселелері сөз болып, оларды шешудің жолдары қарастырылды.

Театры  ұжымы  2018 жылдың қыркүйек  айында елордамыздың 20 жылдығы мерейтойы  аясында  Астана қаласына гастрольдік  сапармен  барып  қайтты.    Астана қаласындағы Оқушылар сарайында ҚР еңбек сіңірген қайраткері,  жазушы-драматург  Жолтай  Әлмашұлының "Қайырымды қаладағы қарлығаштар"  атты абстракциялы драмасы қойылды. Қоюшы режиссер – Е.Қауланов. Сондай-ақ, "Мұңмен алысқан адам" драмасы сахналанды. Оның қоюшы режиссері  –Е.Төлеубай. Қойылымнан кейін актерларға, басқа да театр қызметкерлеріне ҚР Мәдениет және спорт министрлігі, Қазақстан халқы ассамблеясы және «Қалден Жәлден» қорының алғыс хаттары табыс етілген.  

Театр биылғы 19-шы маусымды   Е.Төлеубайдың " Мариям, Ілияс"  драмасымен ашқан болатын.

 

Әсел Қибаш