“Армандастар” байқауының жеңімпаздары анықталды
"Армандастар" облыстық балалар шығармашылығы фестиваль-байқауының қорытындысы шықты.
Хореография бағытында Аманкелді жалпы білім беретін мектебінің "Гүлдер-ай" бишілер тобы Гран-при жүлдесін жеңіп алды. Жетекшісі – Айтгүл Ержігітова. Боровской балалар өнер мектебінің бишілері 1-орын, Сералы Қожамқұлов атындағы балалар өнер мектебінің "Ручеёк" тобы 2-орын, Науырзым ауданының балалар шығармашылығы үйінің "Нұр-ай" тобы 3-орын алды. Сондай-ақ арнайы номинациялар бойынша ынталандыру сыйлықтары да берілді. Мысалға, Қостанай облыстық психологиялық қолдау және қосымша білім беру өңірлік орталығының "Хамелеон" ұжымы "Үздік хореографиялық қойылым" аталымында, Федоров аудандық балалар шығармашылығы үйінің "Жаным" ұжымы "Би қойылымының ерекшелігі үшін" аталымында, "Озат" мамандандырылған ақпараттық технологиялар мектеп–лицей–интернаты "Сахналық шеберлігі үшін" аталымында арнайы марапатқа ие болды.
Театр ұжымдары арасында Аманкелді ауданының Құмкешу жалпы білім беретін мектебінің "Бәйшешек" тобы Гран-приді алды. Жетекшісі – Қуаныш Жүнісова. Қостанай қаласындағы №28 мектеп гимназиясының "Болашақ" театр ұжымы 1-орын, Ы.Алтынсарин атындағы мамандандырылған мектеп-интернатының "Дарын" тобы 2-орын, Әулиекөл аудандық балалар өнер мектебінің "Метаморфозы" театр ұжымы 3-орын алды. Жітіқара ауданындағы "Этюд" балалар шығармашылығы үйінің шәкірті Варвара Задорожная "Үзді актерлік бейнесі" үшін марапатталды. "Үздік әйел бейнесі" аталымындағы сыйлық Ғаббас Жұмабаев атындағы Боровской мектеп гимназиясының оқушысы Ақниет Маратқызына бұйырды. Дәл осы аталымдағы екінші сыйлық Арқалық қаласындағы Қызылжұлдыз негізгі мектебінің оқушысы Сердәулет Әбдіғалымовқа берілді. "Көркемсөз оқу" аталымы бойынша Рудный қаласындағы №1 "Қашар жалпы білім беретін мектебінің ұжымы марапатталды.
Қымбат ДОСЖАНОВА.
Суретті түсірген Б. АХМЕТБЕКОВ.
