«Әскер-МЕДИА – 2018» фестиваліне қатысыңыз!

ҚР Қорғаныс министрлігі «Әскер-МЕДИА – 2018» республикалық баспасөз фестивалін өткізбекші.
Фестивальге қатысуға республикалық және өңірлік баспасөз және электрондық БАҚ-та ҚР ҚК-нің қызметі туралы материалдар жариялап жүрген, БАҚ өкілдері мен блогерлер, әскери қызметшілер шақырылады. Конкурстың қорытындысы бойынша іріктеуден өткендер түрлі аталымдар бойынша марапатталады.
Фестивальдің аталымдары:
• Телевизиялық БАҚ қызметкерлеріне – үздік телевизиялық бағдарлама үшін;
• Радиостанциялардың қызметкерлеріне – үздік радиобағдарлама үшін;
• Баспасөз БАҚ-тың қызметкерлеріне – баспасөз БАҚ-тағы үздік материал үшін;
• Ақпараттық агенттіктердің қызметкерлеріне – ақпараттық агенттіктегі үздік жұмыс үшін;
• Фотосуретшілерге – үздік фотожұмыс үшін;
• Блогерлерге – әлеуметтік желілер мен блог-тұғырнамалардағы үздік жұмыс үшін. 
Арнайы аталымдар: 
• үздік әскери шолушы; 
• үздік жас журналист; 
• өңірлік БАҚ-тағы үздік материал. 
• шетелдік БАҚ-тағы ҚР ҚК туралы үздік материал. 
Марапаттау рәсімі Астана қаласындағы ҚР ҚК Ұлттық әскери-патриоттық орталықта өтеді. Марапаттау рәсіміне қатысушылар (номинанттар) Қазақстан Республикасы Қорғаныс министрінің дипломымен, естелік белгі және бағалы сыйлықтармен марапатталады.
ҚР ҚМ «Әскер-МЕДИА – 2018» республикалық баспасөз фестивалінің ережесімен және «Әскер-МЕДИА» имидждік бейнеролигімен төмендегі сілтеме бойынша ҚР ҚМ ресми сайты арқылы толығырақ таныса аласыздар:
https://www.mod.qov.kz/rus/asker_media_2018/asker_polozhenie/ жәнеhttps://www.mod.qov.kz/rus/asker_media_2017/asker_video/