Балаларға – базарлық
Қазақ халқы "бала – бауыр етің" деп бекер айтпайды. Өйткені, олар – өмірдің жалғасы, еліміздің жарқын келешегі.
Сондықтан да болар, жуырда Рудный қалалық «Нұр» мешіті және әйел-қыздар секторы «Балаларға – базарлық» шарасын ұйымдастырды.
Осынау игі шара барысында аталған мешіт қызметкерлері мен шәкірттері қаладағы балалар үйіне барып, ондағы тәрбиеленушілермен тағылымды кездесу ұйымдастырды әрі оларға сыйлықтар таратты. Қасиетті Рамазан айындағы бұл кездесу бүлдіршіндерге ерекше қуаныш сыйлады.
Жалпы, жетімнің басын сипау, оларға қамқорлық жасау – адамгершіліктің жарқын көрінісі. Мешіт қызметкерлері алдағы уақытта да осындай жүздесулерді ұйымдастырады.
ҚМДБ-ның Қостанай облысы бойынша өкілдігінің баспасөз қызметі
