Сырт алаңда жеңіске жетті (БЕЙНЕШОЛУ)
Қазақстан чемпионатының 3-турында «Тобыл» сырт алаңда Петропавлдың «Қызыл-Жар СК» клубын ұтты. 
Петропавлдың "Қарасай" стадионында өткен ойынның 22-минутында есеп ашылды. Алдымен Фредди Коронел бұрыштама добын асырды. Қарбалас сәтте «қызылжарлық» Тимур Мульдинов допты алыс бұрышқа тепті. 1:0. Бірінші таймда осы есеп сақталды.
Петропавлдың "Қарасай" стадионында өткен ойынның 22-минутында есеп ашылды. Алдымен Фредди Коронел бұрыштама добын асырды. Қарбалас сәтте «қызылжарлық» Тимур Мульдинов допты алыс бұрышқа тепті. 1:0. Бірінші таймда осы есеп сақталды.
Ойынның екінші бөлігі «Тобыл» футболшыларының басымдығымен басталды. Алаңға тыңнан қосылған Таңат Нөсербаев шеберлік көрсетіп, таразы басын теңестірді. Ол қақпашымен бетпе-бет шығып, айласын асырып кетті. Қонақтар 79-минутта есепті еселеді. Сол қапталдан алға ұмтылған Нөсербаев айып алаңына пас асырды. Бұл жолы допқа Максим Федин үлгеріп, баспен соққы жасады. «Қызыл-Жар» қақпашысы торда тулаған допты алып шығуға мәжбүр болды.
Осылайша, «Тобыл» сырт алаңда 3 ұпайға ие болды. Келесі матч «Атырауға» қарсы өтеді.
"Тобыл" ФК баспасөз қызметі
