60 отбасы баспаналы болды

Бүгін Қостанай ауданында 60 отбасы пәтер кілтіне ие болды. Тәуелсіздік күні қарсаңында Заречное ауылындағы көпқабатты екі үй қолданысқа берілді. Баспана кезекте тұрған мемлекеттік қызметкерлер мен жетімдерге, мүмкіндгі шектеулі жандар арасында бөлінген.Қуаныш иелерін Қостанай облысының әкімі Архимед Мұхамбетов құттықтап келді.

-Біз бүгін "Нұрлы жер" бағдарламасы аясында бой көтерген көпқабатты үйді тапсырып отырмыз. Пәтер құны қолжетімді, сапалы әрі ыңғайлы жерде орналасқан. Бұған қоса, "Северный" шағын ауданын абаттандыру үшін тағы 2 млрд теңге бөлінді,-деді өңір басшысы.

Өткен жылы дәл осы мөлтек ауданда көпқабататты қос үй берілген болатын, тағы да 4 үйдің құырылысы жүріп жатыр. Келер жылдың аяғына дейін аяқтау жоспарланған. Жалпы, "Северный" ауданында бас-аяғы 11 үй бой көтермек.

 

Суреттер "Костанай-Агро" газетінен алынды.