Қай дүкенде баға арзан?

Қостанай қаласында тұрақтандыру қорының азық-түліктерін қосымша сауда-саттық нүктелерінде сату жалғасып жатыр.Қалалық әкімдіктің баспасөз қызметіндегілердің мәліметінше, картоп келісі 90 теңгеден, С1 жұмыртқасының он данасы 220 теңгеден сатылуда. Картопты Қобыланды батыр, 29, Жауынгер-интернационалистер, 8А, Складской, 10, әл-Фараби, 96 мекенжайларында орналасқан "Садовод" дүкендеріннен және Баймағамбетов көшесі бойындағы "Продуктович" сауда нүктесінен алуға болады. Ал арзан бағамен ұсынылатын жұмыртқалар Гоголь,61, Маяковский, 105/1, Карбышев,13А мекенжайларындағы "Норма", сондай-ақ, Гоголь көшесіндегі "Бородинский" супермаркеттерінің, "Продуктович" дүкенінің сауда сөрелеріне қойылған.