Тағы да жеңіс!
Қазақстандық боксшы Иван Дычко АҚШ-та кәсіпқой рингте екінші жеңісіне қол жеткізді. 
Ол америкалық Родригес Кейджбен жұдырықтасты. Оның қарсыласы кәсіпқой рингке бірінші рет шыққан. Төрт раундтық жекпе-жек мерзімінен бұрын аяқталды. Жерлесіміз қарсыласын үшінші раунда нокаутқа түсірді. Жекпе-жек All Stars промоутерлік компаниясының ұйымдастырған бокс кешінің аясында өткен болатын.
Осылайша, Иван Дычко кәсіпқой бокста екі жекпе-жек өткізіп, екеуін де де мерзімінен бұрын аяқтады.
Еске салайық, кәсіпқой боксқа жуырда ғана ауысқан отандасымыз Иван Дычко өзінің бірінші жекпе-жегін америкалық Эйбур Райтпен өткізіп, кездесуді мерзімінен бұрын аяқтаған еді.
