Ілиястың ізімен
Қостанай облыстық тарихи-өлкетану музейінде мемлекет және қоғам қайраткері, әдебиет сыншысы, жазушы, публицист Ілияс Омаровтың 105 жылдығына арналған «Өмір мен өнер» атты әдеби кеш өтті. 
Іс-шарада халқына еткен қызметімен жұртының жадынан өшпеген Ілияс Омаровтың өмір жолы, қызметі жайлы айтылды. Кеш қонақтары – театр әртістері осы айтулы тұлға мен ақын Мәриям Хәкімжанованың құрметіне арнайы қойылған «Мәриям-Ілияс» спектаклінен көрініс көрсетті. Л.Толстой атындағы ОӘҒ кітапхананың қызметкерлері І.Омаровтың өлеңдері, хаттары, ғұмырнамасы жазылған басылымдармен таныстырды. Шара барысында Ілияс Омаров туралы «Өмір жолы» атты деректі фильм көрсетілді.
