«Қостанай – велоқала»

Міне, осындай атпен Қостанай қаласындағы физика-математика бағытындағы Назарбаев зияткерлік мектебінде эко-веложарыс фестивалі болып өтті. Бір айта кетерлігі сол, осындай эко-веложарыс республиканың барлық аймақтарындағы Назарбаев зияткерлік мектептерінде бір мезетте ұйымдастырылды. Фестивальді мектеп директоры Д.Сапақов ашты. Жиналғандарға өзінің жылы лебізін білдіріп, игі тілегін тіледі.

Осы шараның басты мақсаты – күнделікті өмірде қауіпсіз, денсаулыққа пайдалы, экологиялық үнемді технологияларды және қалалық ортада велосипедпен жүруді насихаттау. Аталмыш шара «Назарбаев Зияткерлік мектептері» дербес білім беру ұйымы мен Біріккен ұлттар ұйымының Даму бағдарламасының серіктестігі аясында өтті. Шараға еліміз бойынша төрт мыңға жуық адам қатысты.

 

Гүлназым САҒИТОВА