“Астанамен” тең түсті

"Тобыл" өз алаңында елордалық "Астананы" қабылдап, тең түсті.

Еуропа Лигасы мен ел біріншілігінде қатар өнер көрсетіп жүрген "Астана" ұжымы өте мықтыс қарсылас. Алайда, қостанайлық футболшылар да қарап қалмады, алғашқы ұтымды шабуылдан-ақ Мокин қорғаған қақпадан саңылау таба білді. Жасұлан Молдақараев өз мүмкіндігін голға айналдырды. Дегенмен, азулы қарсылас "Астана" да өз есесін жібермейтіні анық. Тәжірибелі Шомко есепті теңестіріп кетті.Командалар ойын соңына дейін есепті еселеуге ұмытылып бақты, бірақ қос клубтың қорғаушылары мен қақпашылары өте сауатты ойнады. Енді "Тобыл" келесі турда Көкшетауға қонаққа бармақ. Әзірше турнирлік кестеде 5-ші орында аялдап тұр.