Трактор суға батып кетті…
Федоров ауданының Тоғызақ өзеніне “МТЗ-80” тракторы батып кетті, ал оның 46 жасар жүргізушісі оқиға орнында көз жұмды.
Аудандық төтенше жағдайлар бөліміне бұл оқиға туралы ақпарат 1 тамыз күні сағат 8:55 – те келіп түскен. Құтқарушылардың күшімен суға батып кеткен жүргізушінің өлі денесі трактордың кабинасынан шығарылған. Марқұм Волковка ауылының тұрғыны екен, “Гранд” ЖШС-де механизатор болып жұмыс істеген. Куәгерлердің айтуынша, жүргізуші сол күні таркторға мас күйінде отырған көрінеді. Қазіргі таңда қайғылы жағдайдың себебі анықталуда.
Қарлығаш Оспанова
