Десантшылар тәртіпсіздік жасады
2 тамыз күні кешқұрым Қостанай қаласының орталық саябағында бір топ десантшылардың киімін киген азаматтар ішімдікке сылқия тойып алып, айғайлап, даурыққанымен қоймай, сол жердегі субұрқаққа шомылуды жөн көріпті. Оқиғаны сол маңда демалып жүрген куәгерлер бейнетаспаға түсіріп алып, жазбаны «ВКонтакте» әлеуметтік желісінде таратқан.
Бейнетаспада үстеріне жолақ жейде, ал бастарына көк берет киген бір топ адамның тәртіп сақшыларына бағынбай, қарсылық көрсетіп жатқаны анық көрінеді. Тәртіп сақтамағандардың әрқайсысын бірнеше полиция қызметкері сүйрелеп біраз әуреге түскен. Арада көп уақыт өтпей, патрульдік қызметкерлерге көмекке тағы да полицейлер келіп жетіп, тәртіпсіздік ұйымдастырғандарды ішкі істер бөліміне жеткізді.
Қыдырбек Қиысханұлы
Сурет ғаламтордан алынды
