8 жасар бала жоғалып кетті

Қостанай қаласында 4 маусым күні Игорь Коцкийге іздеу салынып жатыр. Анасы Ирина Коцкаяның айтуынша, бала ойнауға шығып кетіп, сол беті үйге оралмаған. Игорь КСК шағын ауданындағы "Восток" дүкені маңында жоғалған. Оны соңғы рет №101 дүкен сатушылары сағат 16.30 кездерінде көріпті. Бала қаладағы №11 мектептің оқушысы.
Ата-ана дереу полицейлерге хабарласқан. Қазір бәрі жабылып іздеп жатыр. Таяу маңнан ақпараттар жиналуда. 

Игорьдің үстінде қара ақ жолақты шолақ шалбар, суреті бар ақ жеңіл жейде болған.

Өзге де белгілері: бойы – 140-145 см, білегінің ішкі жағында көзге шалымды мең бар, қоңыр көзді, әңгімелесу кезінде "логично" деген сөзді көп қолданады.

Балдырғанның жүрген-тұрған жері туралы қандай да бір ақпаратыңыз болса, мына нөмірлерге хабарласыңыз:  87776268634 немесе 102.

Соңғы хабарлама бойынша, Игорьды іздестіруге еріктілер де қосылды. Олар өзге де ерікті тұрғындарды көшелерге ақпараттық парақшалар ілуге көмектесуге шақырады. Жиналатын жер – Алтынсарин-Лермонтов көшелері қиылысындағы "Үміт" дүкені маңы.