Үздіктер марапатталды
Мемлекеттік қызметкерлері күні қарсаңында салтанатты жиын өтті. Оған облыс әкімі Архимед Мұхамбетов қатысып, төл мерекелері қарсаңында ұйымдастырылған байқауларға қатысқан үздік мамандарды марапаттады. 
"Мемлекеттік қызметкер-2017" атағына аймақтық байқауға Сарыкөл ауданы атынан қатысқан Есімбек Әуезхан лайықты деп танылды. "Мемлекеттік қызметінің озаты" медалі облыстық әкімдіктің ревизиялық комиссиясы аппаратының жетекшісі Гүлнар Тасқымбековаға және өзге де ұзақ жылдар қызмет атқарып келе жатқан мамандарға табысталды. Сондай-ақ, мемлекеттік органдарда жұмыс істейтін бірқатар қызметкерлер алғыс хаттармен марапатталды. Олардың арасында әріптесіміз, "Қостанай таңы" облыстық газетінің тілшісі Гүлназым Сағитова да бар.
