Балғын балуандар белдесті
Қасиетті Рамазан айының құрметіне Рудный қаласының "Нұр" мешіті мен Рудный ішкі істер басқармасы жасөспірімдер арасында күрестің дзюдо түрінен жарыс өткізді. Аталмыш шара қаладағы «Горняк» спорт кешенінде ұйымдастырылды, онда облыстың әр өңірінен келген 10-12 жас аралығындағы 110 спортшы қатысты.
«Спорт – денсаулық кепілі» дегендей, жастарымыздың спортқа деген ынтасы мен жігерін өткізілген жарыстан байқауға болады. Барлық қатысушы бірі-бірінен қалмай, жақсы нәтиже көрсетуге барынша талпынды.
Сайыс соңында бас имам Азамат Серікбайұлы мен Ішкі істер басқармасының басшысы Серік Қойшыбайұлы барша белсенділік көрсеткен спортшыларға алдағы уақыттарда биік шыңдар мен үлкен жеңістер тілеп, өз алғыстарын білдірді.
Сонымен қатар жүлдеге ие болған жас спортшыларға марапатау мен сыйылықтар табыс етті.
Ислам – бірліктің негізі, яғни адамдар арасында ынтымақтықты, ауызбіршілікті сондай-ақ, ұлтаралық достықты қамтитын көркем дін. Бүгінгі ұйымдастырылған бұл бастама тек жастарымыз арасында ғана емес, барша спорт сүйер қауымның арасындағы достықтың нығаюына да өз септігін тигізері анық.
ҚМДБ-ның Қостанай облысындағы өкілдігінің баспасөз қызметі.
