“Жасотандықтардың” жаңа жобасы

Жас Отан" жастар қанатының Қостанай облыстық филиалы «Coca-Cola Almaty Bottlers» компаниясымен, "Атамекен" ҰКП және "Еуразия" қорымен бірігіп, жаңа жобаны жүзеге асырмақшы. "3. 2. 1. Старт!" деп аталады. Ол нақты әлеуметтік және экологиялық мәселелерді шешу аясындағы жастар бастамаларын қолдауға бағытталады. Жобаға ҚР-ның 17-22 жас аралығындағы жастар қатыса алады. Өтінімдер 17 сәуірге дейін қабылданбақ. Үздік 10 жоба таңдалып, оның ішіндегі жеңімпазға 1 млн теңге грант беріледі.