Жол ақысы 80 теңгеге өсті

Қостанай әкімі Базыл Жақыпов қалалық мәслихат комиссиясының отырысында Қостанайдағы автобустарда жол жүру ақысын көтеру туралы үкімге қол қойды.  Бұл ақпаратты alau.kz-ке Қостанай қалалық ТШК, жолаушылар көлігі және автомобиль жолдары бөлімінің бас маманы Ержан Кокишев растады.

Енді қостанайлықтар автобустарда жол жүру үшін 60 теңгенің орнына 80 теңге төлейтін болады. Қала шетіне және саяжайларға баратын автобустардың құны 90 теңгені тұрады.

Қостанай қалалық әкімдігінің баспасөз қызметі хабарлағандай, 7 жасқа дейінгі балалар, Ұлы Отан соғысының ардагерлері мен қатысушылары, 1 және 2 топтағы көзі нашар көретін мүгедектер үшін жол ақысы тегін.7-15 жас аралығындағы балаларға 50% жеңілдік сақталады. Зейнеткерлер барлық бағыт бойынша белгіленген тарифтен 10 теңге аз төлейтін болады. Қостанай қалалық әкімдігінің баспасөз қызметі растағандай, жаңа тарифтің көтерілуі  2017 жылдың 1 наурызында басталады.