Үш көлік соғысты
Қостанайда тағы да жол апаты тіркелді. Таран және Бородин көшелерінің қиылысында үш бірдей көлік қақтығысты. ІІД-нің баспасөз қызметі хабарлағандай, №102 қоғамдық автобус пен "Митсубиси" және "Фольксваген гольф" жеңіл көліктері соғысқан.
(Сурет kstnews.kz cайтынан алынды)
Қолда бар ақпаратқа сүйенсек, "Фольксваген гольф" автомобилі солға бұрылатынын көрсеткен, алайда қарсы келе жатқан көлікке "Митсубиси" жол бермей, екі көлік қақтығысады, оған қоғамдық көлік келіп соғылған. Жол-көлік оқиғасынан ешбір жолаушы жарақаттанбаған.
