Ең үлкен жеңіс – достық
Затобол кентіндегі «Астана» спорт кешенінде есту және көру қабілеті нашар, мүмкіндігі шектеулі жандар арасында Қостанай облыстық спартакиадасы аяқталды. Іс-шара Қостанай ауданы әкімдігінің «Жұмыспен қамту және әлеуметтік бағдарламалар бөлімі» ММ әлеуметтік тапсырысы аясында өтті. Үлкен спорттық шара үш атаулы күндерге арналған – Тұңғыш ҚР Президенті күні, Қазақстанның Тәуелсіздік күні және Халықаралық мүгедектер күні.
Затобол, Заречный, Мичурин, Глазунов, Майкөл, Мәскеу, Надеждин және Октябрь ауылдарынан барлығы алпыстан астам адам қатысты. Спорттың дойбы, шахмат, дартс, 50 және 100 метрге жүгіру, орыннан секіру, ядро итеру.
Ашылу салтанатында дене шынықтыру және спорт бөлімінің басшысы Бөлтірік Құрманғалиевтің мұндай жарыстар өте маңызды екенін атап өтті. Өйткені, мұнда көптеген адам жарыс және жеңіс үшін ғана емес, сондай-ақ бір-бірімен қарым-қатынас жасау үшін келеді.
– Жыл сайын қатысушылар саны артып келеді. Жастары әр түрлі балалар мен жастар, зейнеткерлер де бар. Бұл адамдар төрт қабырғаның ішінде, үйде отырмай, салауатты өмір салтын қолдауға шақырды. Олардың денсаулығы кәсіби спортпен айналысуға жетпесе де шымыр болудан бас тартпайтыны түсінікті. Бұл рух олардың күші болып табылады!» – деді іс-шараны ұйымдастырушы, аудандық мүгедектер қоғамының төрағасы Қонысбай Садырбеков.
Кейбіреуі жарысқа дайындалып жатқанда, басқалары процеске кірісті. Алғашқы ойынға интелектуалдылар отырды. Дойбыдан ең жас қатысушысы 9 жастағы Александр Дмитриенко – Затобол ауылынан. Баласы ойын ойнап жатқанда, жарысқа келген атасы Михаил Павлович Бондарды сөзге тарттық.
– Мен есімді білгеннен үстел ойындарын ойнап келдім. Сашаны да үйреттім. Ол дойбыда үш жасынан ойнайды. Сонымен қатар, тоқыма тоқып, іс тігуге әуес. Бұрыннан қолөнер үйірмесіне барғысы келеді. Өте дарынды бала. Оған бүгін күн сәтті болады деп үміттенемін, – дейді атасы.
Басқа залда спортшылар 50 -100 метр қашықтыққа жүгіруден, орыннан секіру және ядро итеруден сынға түсті.
Жарыс қорытындысында жеке спорт түрлері бойынша жүлдегерлер сертификаттар және медальдармен марапатталды. Командалық есеп бойынша, бірінші орынды Затобол құрамасы алды, екінші орын – Мичурин ауылының еншісінде, үшінші сатыға Заречный командасы жайғасты. Олардың барлығына кубоктар табыс етілді.
