ҚОСТАНАЙ – ең таза қала!

Мұны OLX сервисі жүргізген "Мінсіз қала" зерттеу жұмыстарының нәтижесі анықтап берді.

Қазақстанның ірі 20 қаласының ішінде, сауалнама нәтижесі бойынша, Қостанай көш бастады. Бұл туралы "Алау" порталы хабарлайды,  Kapital.kz. сайтына сілтеме жасап. Жалпы рейтингте төл қаламыз жиынтық 21 балдың 13,8-ін үш көрсеткіш бойынша жинаған. Сұхбаткерлер ең әуелі қаланың ауасының тазалығына дән разы  – 7 балдың 5,1-і. Жергілікті тұрғындардың коммуналдық қызметіне берген бағасы тағы 3,7 балл жинап берді. Бізден кейінгі орын –Оралда (13,7). Ал үшінші сатыға 13,6 балдық көрсеткішпен Талдықорған қаласы жайғасты. Сондай-ақ, үздік ондыққа Шымкент, Петропавлов,  Астана, Көкшетау, Тараз, Актау, Павлодар мен Рудный қалалары енді.