Оқиға орнынан ізін суытқан
Қостанайда велосипедшіні қағып, ізін суытқан автокөлік жүргізушісі іздестірілуде.
Облыстық ішкі істер департаменті баспасөз қызметінің хабарлауынша, жол апаты 17 шілде күні таңғы сағат 4- те Қайырбеков пен Гагарин көшелерінің қиылысында болған. Жол жиегінде кетіп бара жатқан велосипедшіні белгісіз бір автокөлік қағып, артынша оқиға орнынан ізін суытқан. Ауыр соққының салдарынан түрлі дене жарақатын алған 26 жасар шаһар тұрғыны қалалық ауруханаға жеткізілді.
Қазіргі таңда жол апатын жасап, жәбірленушіге ешбір көмек көрсетпей, жолдың қақ ортасына тастап кеткен жүргізушіге полицейлер іздеу салды. Сондай-ақ, осы жол апатына куәгер болған тұрғындар болса 102 нөміріне хабарласуын сұрайды.
Мешіт Ғазиз
