Үш күнге газ ағытылады

Дружба ауылында құбырлардың жөндеу жұмыстарына байланысты көгілдір отын үш күнге ағытылады. Бұл туралы Қостанай қалалық әкімдігінің баспасөз қызметі хабарлайды. 7,8,9 қараша күндері аталмыш ауылдағы тұрғын үйлер газсыз отырады. Тұтынушыларға көгілдір отын жұмыс аяқталысымен, яғни 10 қарашада берілетін болады.

Мамандар тұрғындардан газ құрылғыларының шүмектерін жауып қоюды және "ҚазТрансГазАймақ" АҚ жұмысшыларына газды қайта іске қосар кезде үйдегі қондырғылардың қолжетімді болуына қам жасауды сұрайды.