Жаңа бисквит цехы ашылды

Қостанай облысына іссапармен келген Елбасы Нұрсұлтан Назарбаев өңірдегі байырғы кәсіпорын – «Баян Сұлу» кондитерлік фабрикасында болып, таяуда ашылған бисквит цехының жұмысымен танысты.

 

Аталған кәсіпорын қазірдің өзінде кондитерлік өнімнің 250-ге тарта түрін шығарады. Жаңа ашылған бисквит цехы еліміздегі тамақ өндірісінің дамуындағы  ең басты идустриализацияланған нысаны.

– Цехты ашуға 3,6 млрд. теңге қаржы жұмсалды. Құрал-жабдықтарымыз да қазіргі заманауи үлгіде. Жұмыс орнында 45 адам қызмет істейді. Жоғары сапалы вафли, печенье және бисквит өнімдерін шығарамыз,– деді кәсіпорын басшысы Тимур Садықов.

Сондай-ақ, Мемлекет басшысы Н.Назарбаев кондитерлік фабриканың өндіріс алаңында ұйымдастырылған өнеркәсіптік, өндірістік және ауыл шаруашылығы кәсіпорындарының көрмесін аралап, автомобиль құрастыру саласындағы жетістіктерге көңілі толып, алғаш шығарылып отырған электромобильдің тізгінін ұстап, шағын алаңқайда жүргізіп көріп, сыннан өткізді.

 

Нұрболат МЕШІТБАЕВ

Суретті түсірген Бағдат Ахметбеков