Елбасы Қостанайға іссапармен келді
Қазақстан Республикасының Президенті Нұрсұлтан Назарбаев бүгін Қостанай облысына жұмыс сапарымен келді. Ол ең әуелі Қостанай ауданындағы Өтеулин шаруа қожалығына тиесілі егін алқабына барып, ондағы орақ науқаны барысымен танысты.
Сондай-ақ, жоспар бойынша елбасы "Баян Сұлу" АҚ кондитерлік фабрикасына және Е.Өмірзақов атындағы облыстық филармонияның ұжымымен кездеседі. 
Айта кетейік, елбасы осыған дейін Алматы, Ақмола облыстарында жұмыс сапарымен болып, күзгі жиын-терім барысын бақылады. Баспасөз мәслихаты ұйымдастырылып, тілшілердің елдің экономикалық ахуалына қатысты сауалдарына жауап берді.
