Арда өлеңнің ақжалы
Н.Ахметбеков атындағы мәдениет үйінде халықаралық “Алаш” сыйлығының лауреаты, Махамбет сыйлығының иегері, қазақтың көрнекті ақыны Серік Тұрғынбекұлының 70 жасқа толған мерейтойының құрметіне арналған “Сұлу жырдың сұңқары” атты шығармашылық кеш өтті.
Жыр кешінде сөз алған аудан әкімі Асқарбек Кенжеғарин мерейтой иесін Торғай жұртшылығының атынан құттықтап, иығына шапан жауып, астына ат мінгізді. Ардагерлер кеңесінің төрағасы Қарсақбай Бірмағанбетов аудан ардагерлерінің ізгі ниет-тілегін жеткізіп, отбасының атынан ағамызға шапан кигізіп, Жанна апамызға камзол және қолына алтын жүзік салды. 
Ауданның құрметті азаматы Кәкімжан Карбозов ағалық алғысын білдіріп, қазақтың салт-дәстүрін жаңғырытып, жоралғысын жасап, арда ақынға ат мінгізіп, өзінің “Дала – дәулет, ауыл – құт” атты авторлық кітабын сыйға тартты. Қабжәлел қажы Әлібекұлы, Бақыт Мизамбеков, ақынның туған жерінен келген Ақшығанақ ауылының әкімі Бақытжан Торбаев, “Нұр Отан” партиясы аудандық филиалы төрағасының бірінші орынбасары, ақынның ауылдас інісі Рауыл Ахметжанов кеш иесінің адам баласына жасаған жақсылықтары мен өлең өлкесіндегі бірбеткейлігін айтып, көпшілікпен ой бөлісті. Сондай-ақ, ол кісілер де ақынға тән сый-сияпаттарын жасады. Ал еңбек ардагері Рақым Рыскелдин тебіренген тілегін өлең жолдарымен жолдады. Ы.Алтынсарин және Ш.Уәлиханов атындағы орта мектептердің оқушылары ақынның өлеңдерін жатқа оқып, өнер сүйер қауымның ыстық ықыласына бөленді. Ақын Серік Тұрғынбекұлы туған жерге деген сағынышын жалынды жырларымен өрбітті. Осы кеште ақынның сөзіне жазылған әсем әндер де көп шырқалды.
Ауданның құрметті азаматы Кәкімжан Карбозов ағалық алғысын білдіріп, қазақтың салт-дәстүрін жаңғырытып, жоралғысын жасап, арда ақынға ат мінгізіп, өзінің “Дала – дәулет, ауыл – құт” атты авторлық кітабын сыйға тартты. Қабжәлел қажы Әлібекұлы, Бақыт Мизамбеков, ақынның туған жерінен келген Ақшығанақ ауылының әкімі Бақытжан Торбаев, “Нұр Отан” партиясы аудандық филиалы төрағасының бірінші орынбасары, ақынның ауылдас інісі Рауыл Ахметжанов кеш иесінің адам баласына жасаған жақсылықтары мен өлең өлкесіндегі бірбеткейлігін айтып, көпшілікпен ой бөлісті. Сондай-ақ, ол кісілер де ақынға тән сый-сияпаттарын жасады. Ал еңбек ардагері Рақым Рыскелдин тебіренген тілегін өлең жолдарымен жолдады. Ы.Алтынсарин және Ш.Уәлиханов атындағы орта мектептердің оқушылары ақынның өлеңдерін жатқа оқып, өнер сүйер қауымның ыстық ықыласына бөленді. Ақын Серік Тұрғынбекұлы туған жерге деген сағынышын жалынды жырларымен өрбітті. Осы кеште ақынның сөзіне жазылған әсем әндер де көп шырқалды.
-Туған жердің топырағын басқанда бойымды ерекше бір сезім билеп алып, тылсым күштің құдіреті пайда болды. Мүмкін арқа-жарқа ақ көңіл елімді көріп, өздеріңізге деген сағыныш мауқының басылғандығы болар. Елге келгенде бауырлас ағайындардан алайын деп келген жоқпын. Керсінше, тұнық жырдың бұлағымен сусындатып, сіздердің рухтарыңызды көтеріп, рухани байлық сыйлайын деп келген жәйім бар. Торғай – қара шаңырақ іспеттес ақындардың мектебі. Мен Нұрханыммен мақтанам, Қоғабайыммен шаттанам, Назарбекті айтсам найзағайдай жарқ етем, Ғафуды айтып сырлы сазды әндетем, Сыр-ағаңның жөні бөлек, Кеңшілігім – бір төбе. Осындай тұлғалардың ізін басқан менде қандай арман бар! Сіздерге басымды иіп, дән ризашылығымды білдіремін. Осы дәрежеге жетуіме себепші болған – өздеріңіз берген ақ бата. Бесіктегі баласына жыр жаттатып, түздегі баласын төрге шығарған патша көңіл елімнен айналайын! – деді мерейтой иесі, ақын Серік Тұрғынбекұлы.
Байбатыр АХМЕТБЕКОВ
Жанкелдин ауданы
