Көліктен 1 келі героин табылды

Көлігімен 1 келі героин тасымалдап жүрген  Рудный қаласының тұрғыны қолға түсті. Күдікті Қостанай облыстық ІІД мен ҰҚКД қызметкерлерінің  бірлескен операциясы барысында құрықталды.

Өңірде өтіп жатқан «Көкнәр-2014» жедел-алдын алу іс-шарасы кезінде Карбышев көшесінде  «Фольксваген гольф» автокөлігі тоқтатылды. Оны тізгіндеп келе жатқан  Рудный қаласының 49 жастағы тұрғыны болып шығады.   Күдік туғызған темір тұлпарды тінту кезінде тәртіп сақшылары  салоннан 1 келі героин тауып алды.

Қазіргі таңда, сот шешімімен тұтқындалған күдікті  бұған дейін де ірі көлемде есірткі заттарын сатқаны үшін бірнеше мәрте істі болғаны анықталып отыр.Тергеу жүргізілуде.

 

Мешіт Ғазиз