Ата заңымыз айшықталды

Қостанай экономикалық сотының мәжіліс залында Конституция күніне және тәуелсіздіктің 25 жылдығына орай конференция өтті. Сот саласы мамандарының басын қосқан жиынға облыстық мәлихаттың хатшысы С.Ещанов қатысты. Ең алдымен облыстық соттың төрағасы А.Мерғалиев жиналғандарды егемендігіміздің куәсі, тәуелсіз мемлекетіміз үшін елеулі үлес қосқан Конституция күнімен құттықтады.

-Кез келген мемлекеттің, елдің тәуелсіздігін, демократиялық құндылықтарын айқындайтын негізгі құжат – Конституция. Ата заңның арқасында елімізде саяси-экономикалық салада ғана емес, құқықтық салада да, соның ішінде сот жүйесінде – құқықтық реформалар қарқынды жүргізілуде. Оған Конституция шеңберінде сот жүйесіне орын алып отырған тың реформалар айғақ. Ендеше, бабаларымыздан қалған байтақ жерімізді мекендеген барша қауымның бірлігін жарастырған Ата Заңымыз бен ел тұтастығы үшін тәуелсіздік туын тіккен күндер ұзағынан болсын. Елімізде бейбітшілік пен бірлік болсын, – деді облыстық сот төрағасы А.Мерғалиев.

Мұнан кейін сөз алған ғалымдар мен заңгерлер де мемлекет пен қоғамда орын алып отырған барлық саяси-экономикалық, әлеуметтік реформалардың ілгері басуына, дамудың қайнар бастауына айналған Ата заңымыздың алар орны жайында, тәуелсіз еліміздің жеткен жетістіктері мен табыстары туралы баяндама жасады. Ал, мерекелік жиын соңында сот саласына елеулі үлес қосқан бір топ мамандар марапатқа ие болды.

 

Қарлығаш ОСПАНОВА

Суреттерді түсірген Аййбек ЖҮЗБАЙ