Полицейге қол көтергені үшін…

Бүгін Қостанай қаласының №2 соты Porsche Cayenne Turbo-S маркалы көлік иесі Артем Чолоянға қатысты үкім шығарды. 33 жастағы қостанайлық билік өкіліне қатысты күш қолдану бойынша айыпты деп танылды.

Қостанай облыстық сотынан хабарлағандай, іс материалдары бойынша, ағымдағы жылдың 23 сәуірінде сағат 06.00 Чолоян мас күйінде «Porsche Cayenne Turbo S» маркалы автокөлігін басқара отырып, қозғалысты тоқтатуды талап еткен жол-патрульдік полиция қызметкерлерін елемей, жол жиегіне соғылады. Одан кейін, жүргізуші куәлігін және жеке басын куәландыратын құжаттарын ұсынудан бас тартқандықтан, стационарлық постқа жеткізілді. Қызметтік автокөліктің салонында отырып, жеке тұлғасын анықтау барысында, Чолоян, жауапкершіліктен кетуге және ізін суытуға талпынды, полиция қызметкерлеріне қоқан-лоққы көрсете бастады. Одан кейін полиция қызметкерінің бірінің бетінен ұрған.

Сот үкімімен Чолоян айыпты деп танылды және  оның бостандығы 2 жыл мерзімге шектелді.