Жаңа формация педагогы

    Үстіміздегі жылдың қыркүйегінен бастап еліміздегі соның ішінде облысымыздағы колледждерде «Кәсіпқор»Холдингі КЕАҚ модульдік-құзыреттілік тәсілі негізінде әзірленген жаңа білім беру бағдарламалары енгізілетін болады. Осы  мақсатта барлық өңірлерде техникалық және кәсіптік білім беру ұйымдарының инженерлік-педагогикалық қызметкерлері мен  басшыларынның біліктілігін арттыруға арналған «Техникалық және кәсіптік білім беру жүйесінің жаңа формациядағы педагогы» тақырыбында екі апталық курс болып өтті.

        Міне, осындай  біліктілікті арттыру курсы семинар-тренинг түрінде облысымыздағы Қостанай политехникалық колледжінде болды, өйткені  оқу орны   жоғары білікті кадрларды «нақты дайындау» қамтамасыз ету бөлігінде «Кәсіпқор»Холдингі КЕАҚ-ның колледж-серіктесі болып табылады.    Осы курстық оқыту бағдарламасының мақсаты-  техникалық және кәсіптік білім беру жүйесіндегі білім мазмұнын жетілдіру мен жаңалау аясында  алдыңғы қатарлы соның ішінде шетелдік білім беру жүйелерімен  танысу,  кәсіптік білім беруді ұйымдастыру. Бағдарлама тәжірибелік-бағдарланған  мазмұнға бағытталып,  мамандардың кәсіби шеберлігі мен машықтығын қалыптастыруға бағытталған.

     Қостанай политехникалық колледжде өткен  курсты өңіріміздің 130 тыңдаушысы бітіріп шығып, қолдарына сертификат алды. Тыңдаушыларды колледж директоры Алма Дощанова құттықтап, ізгі тілегін айтып, сәттілік тіледі.

 

Гүлназым САҒИТОВА.

Суретті түсірген Айбек ЖҮЗБАЙ.