А. Шаяхметтің шығармашылық кеші өтті
Е.Өмірзақов атындағы Қостанай облыстық филармониясының концерт залында ҚР-ның мәдениет қайраткері, Қазақстанның құрметті журналисі, ақын, жазушы, драматург Ақылбек Шаяхметтің 50 жылдық еңбек пен ізденістің есебі ретінде шығармашылық кеші өтті.
Сондай-ақ бұл кеш жуырда ғана жарық көрген төрт бірдей кітаптың («Сөз», «Голос степи», «Каскалар мен маскалар», «Нар қазақ – намысы бар қазақ») тұсаукесеріне негізделген.
Сәйкесінше, жиынға келушілер алдымен фойеде кітап көрмесін тамашалады. Келушілер қатарында ақынның тұрақты оқырмандарымен қатар жергілікті қаламгер дос-жараңдары, билік өкілдері болды. 
Сондай-ақ ҚР Мемлекеттік сыйлығының лауреаты Қойшығара Салғарин мен жазушы, драматург, қоғам қайраткері Төлен Әбдік қатысты. 
Ақынның шығармашылық кеші туралы газеттің алдағы санынан оқи аласыздар.
