РИИ үздіктер қатарында
ЖОО профессорлық-оқытушылық құрамының республика бойынша бас рейтингісі жарияланды. Аталмыш тізімге енген 50 үздік оқытушының қатарында Рудный индустриялық институтының ректоры, профессор Әбдірахман Найзабеков те бар. Ол 30-орынға тұрақтаған.
Ал ЖОО білім беру бағдарламалары бойынша институттың «Пайдалы қазбаларды байыту» және «Тау-кен ісі» мамандықтары үздік үштіктің қатарына кіріп отыр.
Бас рейтинг 4 негізгі индикатор бойынша жүргізіледі. Олар «Талантты студенттер, оқытушылар мен зерттеушілердің көп шоғырлануы», «Академиялық ұтқырлық», «Түлектердің бәсекеге қабілеттілігі» мен «Мамандықтар бойынша оқытушылардың ғылыми жарияланымдарының үлесі».
Айта кетейік, Рудный индустриялық институты – Солтүстік Қазақстан аумағындағы тау-кен және металлургия саласы үшін инженерлік техникалық мамандарды даярлайтын бірегей оқу орны. Қаржылық дағдарысқа қарамастан институт түлектерінің жұмысқа орналасу деңгейі 90 пайыздан кем түспей келеді.
Қуаныш ЕСҚАБЫЛ
