Волейболдан аймақтық ойындар өтуде
Арқалықтағы "Жігер" стадионында ХХХІ "Тың – 2016" облыстық спартакиадасына волейболдан аймақтық іріктеу ойындары өтуде. Ойынның бас төрешісі – Елена Мирошниченко.
Жарыстың салтанатты ашылуында еліміздің әнұраны айтылып, қала әкімі Ғазиз Бекмұхамедов пен облыстық спорт басқармасының өкілі Аманбек Әбікеновтер құттықтау сөз сөйледі. 
– Қостанай облысының "Тың – 2016" спартакиадасы биылғы жылы облыстың 80 жылдығына тұспа-тұс келіп отыр. Спартакиада алдағы тамыз айында Қостанай қаласында өтпекші.
Аймақтық ойындарға облыстың Аманкелді, Жанкелдин, Ұзынкөл, Денисов аудандарынан және Арқалық, Лисаков қалаларынан ерлер және әйелдер командалары қатысуда.
-Бұл – қаламызда жыл сайын өткізілетін дәстүрлі ойындар. Оған біз үлкен дайындықпен келіп отырмыз. Арқалық қаласының волейболшылары соңғы екі жыл қатарынан облыстық спартакиаданың чемпиондары атанды, – дейді қалалық спорт бөлімінің бас маманы Айтжан Мәліков.
Мұрат Жүнісұлы,
Арқалық қаласы.
