16 сәуірде “Бүкілқазақстандық ағаш отырғызу” акциясы бастау алады
Көктемнің келуімен қыруар жұмыстың да басы қылтиды. Осыған орай қалада екі ай тазалық айлығы жарияланған болатын. Облыс әкімдігінде өткен мәжілісте облыс әкімі Архимед Мұхамбетов қала, аудан басшыларына арнайы тапсырма жүктеп, атқарылған жұмыстарға орай қажетті есеп алып отырады.
Биыл тәуелсіздікке – 25, Қостанай облысының құрылғанына – 80 жыл. Мерекені тап-тұйнақтай қарсы алу үшін қала көркін келтіру қажет. “7 сәуірден басталған сенбілік 30 мамырға дейін жалғасады. Осы аралықта барлық қоқыс тастайтын жерлер тегін жұмыс істеулері керек. Әйтпесе қоқысты айдалаға тастай салуы да мүмкін. Бұл екі жұмыс болары сөзсіз” деді облыс әкімі Архимед Мұхамбетов.
Санитарлық тазалау жұмыстарына жергілікті бюджеттен 1,4 млрд. теңге бөлінген. Қазіргі экономикалық жағдайға қарай осы бөлінген қаражатты үнемдеп жұмсап, бастысы проблемалы жерлерге назар аудару қажет. “Көркейе бер, Қостанай” акциясы аясында кәсіпкерлерді жұмылдыру міндеті тұр. Ауылды жерлерде қаңғыбас иеттер мен малдарды тиып, сауда орындарындағы тазалықты қадағалау басты назарда.
–Тазалық айлығы барысында қоқысты орман маңайында, жол жиегінде өртеуге тиым салыңыздар. Биылғы жылы Ауылшаруашылық министрлігі 16 сәуірде “Бүкілқазақстандық ағаш отырғызу” акциясын жариялады. Осы акцияға барлығы қатысу керек, – деді облыс әкімінің бірінші орынбасары Ғауез Нұрмұхамбетов. Аймақ басшысы “16 сәуірде керек десеңіздер қысқа жұмыс күнін жариялап, жаппай сенбілікке шығуды қазірден жоспарлауды ойластырыңыздар” деп қосымша тапсырды.
–Тазалық айлығы барысында қоқысты орман маңайында, жол жиегінде өртеуге тиым салыңыздар. Биылғы жылы Ауылшаруашылық министрлігі 16 сәуірде “Бүкілқазақстандық ағаш отырғызу” акциясын жариялады. Осы акцияға барлығы қатысу керек, – деді облыс әкімінің бірінші орынбасары Ғауез Нұрмұхамбетов. Аймақ басшысы “16 сәуірде керек десеңіздер қысқа жұмыс күнін жариялап, жаппай сенбілікке шығуды қазірден жоспарлауды ойластырыңыздар” деп қосымша тапсырды.
Облыс аймағындағы он орман шаруашылығы ағаш көшеттерін өсіруде. Елдімекенді көгалдандыру үшін түрлі-түрлі көшеттерді Қостанай және Таран аудандарындағы орман шаруашылықтары дайындайды. Қала сыртындағы орман шаруашылықтары көктем науқанында 30 мыңнан астам көшет дайындаған, оның біреуі – 400 теңге, ал сүмбіл терек – 600 теңге.
Былтырғы жылы облыс бойынша 62 мың көшет отырғызылған. Енді осы көрсеткішті 20%-ға ұлғайту міндеті қойылды.
Айтолқын АЙҚАДАМОВА
