Дычко екінші мүмкіндікті мүлт жібермеді

Қытайда бокстан Азия және Мұхит аймағы елдері бойынша Олимпиада ойындарына жолдама берілетін турнирдің жартылай финалдық бәсекесі өтіп жатыр.91 келі салмақ дәрежесінде боксшы Иван Дычко иорданиялық Хусейн Яшаишпен кездесті.  Аса ауыр салмақтағы сайысқа қазылық еткен үш төреші де жерлесімізге ұпай беріп, Иванның басымдылығын мойындады. 

Айта кетейік, шешуші кезеңге шыққан боксшыларға Олимпиада жолдамасы беріледі. Бұған дейін Дохада өткен әлем біріншілігінде күміс жүлде иеленген қазақстандық боксшыға Рио Олимпиадасының жолдамасы бұйырмаған болатын.