Көрме – болашақтың кепілі
Астанаға ай сайын барып тұрамын. Балаларым сонда тұрады. Соларға барып жүргенде Отанымыздың жүрегі – жас Астанамыздың күн сайын көркейіп жатқанын көріп, көңілім өсіп қалады. Небәрі 16 жылда әлем елдерін таң-тамаша қалдырған Елордамыздың еңсесі биіктей берсін деп тілеймін!
Енді үш жылдан соң Астанада "ЭКСПО – 2017" халықаралық көр-месі өтетіні белгілі. Бұған әзірліктер үстіміздегі жылы басталды деген жаңалықтарды оқыдым,теледидардан көріп те жүрмін. Естуімізше, мұндай ірі көлемдегі көрмелер кез келген елде өткізіле бермейтін көрінеді. Демек, бұл еліміздің халықаралық деңгейдегі беделін көрсетсе керек.
Қалай дегенмен де "ЭКСПО – 2017" көрмесінің елімізге тигізер пайдасы орасан болмақ. Біріншіден, салынған зәулім ғимараттар ару Астанамызға көрік берсе, екіншіден табыс көзі ғой. Өз басым солай есептеймін. Қазақ елінің абыройы асқақтай берсін! Ел аман, жұртымыз тыныш болсын!
Монтай Ахметшеұлы,
Москалев ауылының тұрғыны.
Әулиекөл ауданы.
