«Наурыз аруы»
Осындай атаумен Наурыз мерекесіне орай Сарыкөл аудандық мәдениет үйінде арулар байқауы өтті. Оған әр ауылдың үкілеп қосқан үміткерлері қатысты.
Айта кеткен жөн, бұл шара аудандық мәдениет үйі мен тілдерді дамыту орталығының қолдауымен ұйымдастырылды.
Байқауда бақ сынағандар, алдымен, өздерін таныстырудан бастады. Одан әрімен өз өнерлерін ортаға салып, салт-дәстүрге байланысты қойылған сауалдарға жауап берді.
Сондай-ақ, қол өнер шеберліктерін де паш етіп, көздің жауын алатын көйлектерін киіп, сахнаның сәнін кіргізе түсті.
Сондай-ақ, қол өнер шеберліктерін де паш етіп, көздің жауын алатын көйлектерін киіп, сахнаның сәнін кіргізе түсті.
Нәтижесінде, барлық сыннан сүрінбей өткен Сарыкөл орта мектебінің мұғалімі – Дана Сейдахметова «Наурыз аруы» атанды.
Ал, қалғандары қатысқандары үшін марапатталып, сый-сыяпаттарға ие болысты.
Руслан ӘЛКЕЕВ.
Сарыкөл ауданы.
