С. Хижниченко “Тобыл” ойыншысы атануы мүмкін

Футболдан Қазақстан ұлттық құрамасының шабуылшысы Сергей Хижниченко Түркияда екінші оқу-жаттығу жиынын жалғастырып жатқан қостанайлық «Тобыл» футбол клубының сапына қосылды және келісім-шартқа қол қойып, «Тобыл» ойыншысы атануы мүмкін деп хабарлайды Vesti.kz сайты.

Хижниченко маусымаралық үзілісте жаттығуды «Ақтөбе» командасымен бастаған. Алайда, қаңтар айының аяғында ақтөбелік клубпен келісім-шартты үзген.

Бұған дейін шабуылшы «Восток», «Атырау» және елордалық «Астана» мен қарағандылық «Шахтердің», сондай-ақ польшаның «Корона» командаларында өнер көрсеткен. Әсіресе, Сергейдің "Шахтер" командасындағы ойыны қазақ футболының жанкүйерлеріне жақсы таныс. Ең алғаш қазақ футболын Еуропа төріне сүйреген – осы Сергей Хижничекно еді. "Тобылдың" бойына қан жүгіртіп, көш басына шығуға өз үлесін қосады деп сенеді қостанайлықтар. 

Ескерте кетейік, «Тобыл» сапында бұрын «Ақтөбе» намысын қорғаған басқа да футболшылар бар. Олар – қорғаушы Дмитрий Мирошниченко, Виктор Дмитриенко, жартылай қорғаушы Йоан Чиприан Дяк.  

 

https://www.youtube.com/watch?v=cygUjPfgClI

 

 

Кенже Қонысбай