Мақұлық мамандарды қызықтырды

Кеше ғана түсініксіз мақұлық туралы мақала жария болып еді, оқырман қауым дүр сілкінді. Әулиекөл ауданының аудандық газет тілшілері Бағаналыға дереу аттанып, мақұлықтың жай-жапсарымен танысып жатыр. Алматыдан жергілікті әкімшілікке телефон соғылып, қаладан арнайы мамандар жөнелтілген көрінеді. Түр-сипаты белгісіз мақұлықтың қайдан, қалай пайда болғаны туралы есеп берілсін және дереу зерттеу институтына тапсырылсын деген бұйрық шыққан. Ел арасында осындай шу шығарған мақұлықтың әрі қарай не болары ғалымдардың  қолында. Аяғы игі болса екен.