Өкіл имам ауданның діни ахуалымен танысты

Қазақстан мұсылмандары діни басқармасының Қостанай облысы бойынша өкіл имамы, “Марал Ишан” мешітінің хатиб имамы Бахытбек Тәжімбетов ауданымызға  арнайы іссапармен келді.

Ауданның бүгінгі таңдағы діни ахуалымен танысып, “Оспан қожа әулие” мешітінде жиын өткізді. Жиынға аудан әкімінің орынбасары Түбекбай Әубәкіров, “Нұр Отан” партиясы аудандық филиалы төрағасының бірінші орынбасары Рауыл Ахметжанов және мешіт жамағаттары қатысты.

Өкіл иамам Бахытбек Нұрғабылұлы дін жанашырларының ұсыныс-пікірлеріне зейін қойып, сауалдарына жауап берді. Біздің ауданда жат ағымның жетегіне арбалғандардың жоқтығына шүкіршілік етті. Десек те, сақтық шараларын қадағалап, асыл дініміздің артықшылығын жергілікті тұрғындарға үнемі насихаттап, жас ұрпақтың санасына сіңіруді “Оспан қожа әулие” мешітінің бас имамы Аян Хасеновке тапсырды.

Мешіт жамағаттары өкіл имамның жауапты жұмысына сәттілік тілеп, ризашылықтарын білдірді.

 

                                                              Байбатыр АХМЕТБЕКОВ

                                                                   Жанкелдин ауданы