Теннис орталығы ашылды (фоторепортаж)
Бүгін Қостанайда теннис орталығы ашылды. 
Жаңа спорт нысанының кермежібін қию рәсіміне облыс әкімі Архимед Мұхамбетов, Қазақстан теннис Федерациясының атқарушы директоры Диас Досқараев және қала әкімі Базыл Жақыпов қатысты.
Жаңа спорт нысанының кермежібін қию рәсіміне облыс әкімі Архимед Мұхамбетов, Қазақстан теннис Федерациясының атқарушы директоры Диас Досқараев және қала әкімі Базыл Жақыпов қатысты.
Салтанат барысында облыс басшысы сөз алып, еңсесі биік заманауи теннис орталығының ашылуымен Тобыл жұртшылығын құттықтады (ары қарай бейнебаян).
Қостанайдың спортсүйер қауымының қуанышын бөлісе келген Диас Досқараев бұл кешенде облыстық, республикалық қана емес, халықаралық жарыстар өткізуге де әбден болатынын айтты. 
Айтулы шарадан көзайым болмаққа келген жұртшылық алдында облыс өнерпаздары ән айтып, би билеп, түрлі цирктік қойылымдар ұсынды. Мереке күнгіге бергісіз көңіл-күй орнады.
Ғимараттың іші — кірсе шыққысыз. Әлемдік стандарттарға сай салынған. 200 адам еркін сыятын 3 жабық, 3 ашық корт бар. Қосымша – үр жаңа тренажерлық залдар, киім ауыстыру орындарымен, душ қабылдау бөлмелерімен жабдықталған. Құрылысына 788 млн.теңге қаржы жұмсалды. 20 адамды жұмыспен қамтып отыр.
Архимед Бегежанұлы өз сөзінде енді бұл теннис орталығынан жуық уақыт ішінде талай ракетка шеберлерінің тәрбиеленіп шығатынына шүбә келтінмейтінін айтты. Осы спорт түріне машығып жүрген жастарды сұхбатқа тартып, қолтаңба үлестірді.
Мұнан соң тастүлек теннисшілерге тер сіңіп, түгі жығылмаған кордтарға шығып, мерейлерінің қанғанынша ойнауларына рұқсат етілді.
Жандос Жүсіпбек
Суреттерді түсірген Бағдат Ахметбеков
