Бензин қымбаттауы мүмкін
Облыста. 25 қарашадан бастап еліміздегі бензин акцизі қымбаттайды. Бұл жайында «Казправда» сайтында жарияланған ҚР Үкіметінің қаулысында айтылған. Жаңа құжатқа сай, бір тонна өнім үшін 10500 теңге акциздік салық өндірілмек. Бұған дейін жанар-жағар май өндірушілердің 4500 теңге төлеп келгенін айта кеткен абзал. Мамандардың пайымдауынша, салықтың екі есеге жоғарылауы – өнім бағасын шарықтатуы мүмкін.
