Ұстаздар жарысты
Өткен аптада Ұзынкөл ауылында ҚР Президенті күніне арналған ұстаздар арасында волейболдан аудандық жарыс болып өтті.
Жеребеден соң № 1 және № 2 Ұзынкөл орта мектептері спортзалдарында қызу жарыстар басталды. Оған 12 команда қатысты.Сынға түскен ұстаздардың ойын өрнегі жанкүйерлер тарапынан ыстық қабылданып отырды. Жарыс қорытындылары бойынша: 1 орын, сонымен қоса ауыспалы кубогын Сокол орта мектебінің командасы иеленді, 2 орында – Россия орта мектебінің спортшылары, ал 3-ші орынды Федоров орта мектебі волейболшылары жеңіп алды.
Барлық жарыс жеңімпаздары мен қатысушылары аудандық білім беру бөлімі мен аудандық кәсіподақ ұйымы тарапынан мадақтамалар және бағалы сыйлықтармен марапатталды.
