“Тобыл” тең ойнады

Бүгін қостанайлық «Тобыл» өз алаңында Қызылорданың «Қайсарын» қабылдады. Екінші алтылықта бақ сынап жүрген қос команда бұл кездесуде бір-бірінің осал тұстарын таба алмады. Жергілікті жанкүйерлер қолдап отырса да, Масленов шәкірттері жақсы ойын өрнегін көрсетпеді. Тең есепті қанағат тұтқан қонақтар қорғаныста бекем болды. Қалай болғанда да бір ұпайды еншілеп, «Тобыл» екінші алтылықтың көшін бастап тұр. Ендігі ойының "Тобыл" қазанның 24-і күні Таразда жергілікті командаға қарсы өткізеді.

Кенже ҚОНЫСБАЙ