“Ең үздік мамандық”

Міне, осындай атпен Денисов ауданында оқушылардың мамандық таңдауға дайындық деңгейін көтеру, жастар ортасында еңбек құндылығын, кәсіптікті насихаттау мақсатында ішкі саясат бөлімі орта және негізгі мектептерінің 9-11 сынып оқушылары мен техникалық-кәсіптік білім беру колледж студенттері арасында шығармашылық байқау ұйымдастырды.

Байқауға қатыс-қан он алты үміткер компьютерлік таныстыру рәсімі, бейнелеу өнері, "коллаж" техникасында жасалған жарнамалық плакат бойынша сынға түсті. Ком-пьютерлік таныстыру рәсімінде жеңімпаздар қатарында Денисов №1 орта мектебінің, техникалық-кәсібіи білім беру колледжінің, Антонов, Алчан, Фрунзе орта мектебінің оқушылары болды. Ал, бейнелеу өнерінде Батал, Денисов №1 орта мектебі мен Красноармейск негізгі мектептің оқушылары жеңімпаз атанды. "Коллаж" техникасы мен фотосурет пен фоторепортаж бойынша Батал және Покров орта мектептерінің оқушылары алдарына жан салмады. Жеңімпаздар сыйлықтармен марапатталды.

Гүлназым САҒИТОВА