“Елдің болашақ айбыны – біз!”

Елдің келешегі – әр үйде ер жетіп келе жатқан бала. Болашақта ел намысын қорғайтындар да – осы атұстарларымыз. Егер балаңыздың ұтымды суреті болса, ол жайында әңгімелеп, суретін 3kyz@mail.ru поштасына жолдаңыз. Фотоңызбен бірге толық аты-жөніңіз, мекенжай, телефоныңызды да көрсетіңіз.

Байқаудың бүгінгі үміткері – Нұртөре Қыдырбек. Ол Қостанай қаласындағы Ғ.Қайыр­беков атындағы №9 орта мектебінің 3 «а» сыныбында оқиды. Сабақтан тыс уақытында тай боксы секциясына барып жүр. Шығыс жекпе-жегі кейінгі жылдары әлем арасында қарқынды дамып келе жатқан спорт түрлерінің бірі. Жаттықтырушысы – Сергей Селиванов. Ол болашақта муай-тайдан әлем чемпионатында топ жарып, алтыннан алқа таққан Дархан Қазиев сияқты бокшысы болғысы келеді.